Gøy på fjellet!

Ja, då er me direkte inne frå Haukeliseterfestivalen. Den fyrste skåla med rjomegraut er kasta innpå og kursa er i full gong. Festivalen starta allereie i gårkveld med konsert og lått og løye. Det heile starta med ein toretters middag som varte i nesten to timar, men det var himmelsk godt! Eg merkar at det er lengje sidan eg åt fisk sist, så det gjorde seg med litt laks som var fint dandert på ei seng av grønsaker.

Nokre heseblesande minutt etterpå var folket samla i Nansensalen. Her opna Kjell Bitustøyl festivalen på formelt vis ved å klyppa av slipset til Raulandsstudenten Steinar. Det er i alle fall det som er den offisielle versjonen. Etterpå fekk me høyra konserten "Eit møte på tvers av vide fjell", som bestod av folk frå Valdres, Hardanger og Telemark. Her var det både dans, song og spel. Så fortsette det med at Raulandsstudentane inntok scenen. Både Lars Erik Øygarden, Vrimmel og Kvast var bidragsytarar til oppvarmingskonserten.

I år har me fått eit flott nachspiellokale i form av ein lavvo ned ved vatnet. Skal ein tru dei som testa han ut i natt var dette stor suksess!

 

Kjem tilbake med meir etterkvart som festivalen utartar seg. Stay tuned!

Minnar om at dei som har tilgong på TelemarksAvisa bør lesa dagens utgåve!

Ingen kommentarar

Skriv ein ny kommentar

Irene Bjørke

Irene Bjørke

21, Kvinnherad

Går andreåret på folkemusikkstudiet på HiT, Rauland. Likar skogar i tur og mark.

Kategoriar

Arkiv

hits