Fest i stampen med lemenfeitt

No skine sole på Hauk'liseter, og fela klinger som aldri før!

 

Då var me igjen direkte inne frå Haukeliseterfestivalen. Ein kan melda om strålande sol og lite vind, mykje turistar og festivalentusiastar.

Gårsdagens konsertar stod til forhåpningane: Aamos leverte ein flott ettermiddagskonsert med friskt spel frå Shetland. Rilane var nesten til å ta og kjenna på. Etterpå følgde ein konsert med Arabygdi-slåttar, med Ottar Kåsa i front. Nydeleg spel av gode, gamle slåttar.

Kveldskonserten var heller inga skuffing. "Hardanger-kveld" var temaet, og då kan det jo ikkje gå gale. Kremen av hardingmusikarar, inkludert nokre forfattarspirer (eventuelt forfattarbuskar), var på scenen og spreidde god musikk og tekstar om fenomenet "Hardanger" og alt som der høyrer til.

Dansegulvet fekk prøvd seg òg, fleire spelemannslag og spelemenn spelte god dansemusikk til det leid longt på natt. Redaksjonen har derimot motteke ei klage på at mannfolk er altfor dårleg til å by opp damer dei ikkje kjenner. Så til dei gutane som kan dansa folkedans: Skjerp dykk, karar.

Etter stengetid fann me nokre friske kvinnfolk i ein badestamp nede ved vatnet. Badevatnet var derimot ein smule for varmt, så jakta på lemenfeitt sette i gong. Dette fekk me til og med festivalsjefen med på. For dei som er ukjende med fenomenet "lemenfeitt", så kan eg seie så mykje at det er eit ufolkeleg namn på vatn i fast form.

Og kvelden enda her: med sjantiar, svenskevitsar og prestahistoriar over det blikkstille vatnet i soloppgongen.

2 kommentarar

14.jun.2011 kl.15:58

Det ækje lett å by opp jentur ein ikkje kjenner, når alle dei ein kjenner vi danse fyst.

:)

Irene

16.jun.2011 kl.00:19

Det er det for såvidt mykje sant i:)

Skriv ein ny kommentar

Irene Bjørke

Irene Bjørke

21, Kvinnherad

Går andreåret på folkemusikkstudiet på HiT, Rauland. Likar skogar i tur og mark.

Kategoriar

Arkiv

hits