Det var sommar, det var sol

Så var Haukeliseterfestivalen ferdig for i år, og alle har vendt nasene heimover. Men det har vore ein kjekk festival med mange gode augneblikk. I går sat me mangt anna å øvde med Haukeliseter spelemannslag - avd. hardingfele, og øvde ute ved vatnet i solskinnet. Me fekk høyra setesdalsspel på munnharpa og hardingfela, og på avslutningskonserten vart det god stemning med mykje skotsk og shetlandsk felespel.

Dansen gjekk i halli til seine natta, før me avslutta med bålkos og bading i stampen. I dag har dei resterande festivaldeltakarane antakeleg vore på "pilgrimstur", og eg reknar med det vart ein fin tur for vêret var upåklageleg når eg reiste vestover.

Helga har uansett vore fantastisk! Til tross for eitt stykk trøytt og lei folkemusikar etter flyttesjau og stress, klarte festivalen og folka å gje meg mykje energi, inspirasjon og ei kjempekjekk helg. Eg gler meg allereie til neste år!

No er eg komen meg til sommarøya Stord. Deileg å koma seg ut på bølgjan blå og kjenna sjøluft i tryne og lukta av sjø. Me hadde med fiskestenger, og jaggu klarte me ikkje å hala opp 6 paler. Dei vart godt tilbredt før dei møtte sitt endelikt på grillen til André, og fortært saman med eit glas betre kvitvin. Nærmere sommer'n kjæm du itte.

Ingen kommentarar

Skriv ein ny kommentar

Irene Bjørke

Irene Bjørke

21, Kvinnherad

Går andreåret på folkemusikkstudiet på HiT, Rauland. Likar skogar i tur og mark.

Kategoriar

Arkiv

hits