So long, and thanks for all the fish!

Alt godt må kome til si ending, og nu får nu være nu nok. Eg tek ein velfortent sommarferie som eg skal tilbringa i klosterruinane på Halsnøy.

Det må seiast at det har vore artigt å skriva blogg, det hadde eg eigentleg ikkje trudd då eg tok på meg dette ansvaret. Mange gode tilbakemeldingar har eg fått, og håpar eg har bidrege med å gje folk ei hyggeleg lesaroppleving. I motsetnad til Voe har eg ikkje vorte mobba for blogginga, eg har derimot vorte skulda for å mobba, men vart frifunnen. 

Artig har det òg vore å få meldingar om at eg er vorte observert på kinolerretet, til tross for at eg ikkje er skodespelar. Eller på dagbladet.no og Spøftifei. Surrealistisk å sjå seg sjølv i reklamar overalt, men det er jo digg å vera rikskjendis - sånn omtrentleg om ein legg godvilja til. 

Eg vil takka alle som har støtta meg og bloggen min, alle som har tjuvkopiert bileta eg har lagt ut, bidrege til gode opplevingar som eg kan skriva om, dei som har sagt og gjort mykje tøys som eg på finurleg måte kan laga eit blogginnlegg av, alle som har snakka om bloggen min og dermed bidrege til gratis reklame, og naturlegvis alle lesarane som har kikka innom. Særleg vil eg takka Kvast med Britt Elin Myrene, Ine Nord og Johanna Mjeldheim for gode stunder og skitsnakk. Og takk til Ingolf (sånn at eg ikkje får søksmål). Vår eminente instituttleiar Bodil Akselvoll fortener òg ei stor takk for støtte. Den siste takken går til Hansa for kreativitet på boks. 

Så eg vil ynskja min arvtakar, kven det no enn skulle vera, lukka til: du må ha storleik 40 for å fylla mine sko. 

Au revoir! Catch you on the flip side.

 

Mvh 
Irene Bjørke
- Academy Award-winner og folkemusikkentusiast 

Ingen kommentarar

Skriv ein ny kommentar

Irene Bjørke

Irene Bjørke

21, Kvinnherad

Går andreåret på folkemusikkstudiet på HiT, Rauland. Likar skogar i tur og mark.

Kategoriar

Arkiv

hits