Å, for eit liv, for eit herleg liv!

Vi synger og skråler og ler!

Det er gledeleg å kunna melda om at frøken Ine vart funnen i god behold og henta heim til Bitustøyl. Ho hadde mykje å fortelja oss frå Sambandsstatane, som til dømes at ein får gratis drikka med viss ein kjøper 10 hamburgarar.

Fyrste skuledag gjekk over fort og smertefritt. Sidan det var sol måtte me grilla på Telemarkstunet for å utnytta sesongens antakeleg siste halvvarme kveld. Etterpå vart det fest i Årestoga med servering av betasuppa, samt noko litt sterkare. Eg kan melda om at eg klarte å pådra meg minst 9 store myggstikk denne kvelden - ikkje å tilrå, det var ikkje noko komfortabelt.

På torsdag var dagen me tok hjula fatt og cruisa ned Setesdala, åt på Pernilles Kafeteria i Evje, tok til høgre mot Lyngdal, seig inn i Farsund City, ramla overlasta inn på hotellrommet, spretta den fyrste øla og tok fram instrumenta for å spela. Ingenting er som den årlege Nordsjøfestivalen. Til tross for ruskevêr vert det alltid ein god festival på grunn av den gode musikken og dei kjekke menneska som besøker festivalen.

Irske, skotske, svenske og norske tonar vrimla i lufta i Farsund heile helga. Me fekk mellom anna eit interessant møte med musikken til dei reisande, folk-elektronika i form av Valravn, etterfest i fjæresteinane, vakker gaelisk song, fengjande rilar og noko skikkeleg godt buskspel.

Men ein festival kan 'kje vara evig, veit du - kan aaaaaldri vara evig. Så me er tilbake på Rauland no. Med svidde bildekk etter nedstigninga til Dalen frå Valle. Og med nokre nye cd-ar. Og mange slåttar på repeat i hovudet. Og Converse-sko som byrjar å sjå anstendige ut.

Ingen kommentarar

Skriv ein ny kommentar

Irene Bjørke

Irene Bjørke

21, Kvinnherad

Går andreåret på folkemusikkstudiet på HiT, Rauland. Likar skogar i tur og mark.

Kategoriar

Arkiv

hits