Adieu adieu

Nu reiser jeg henn til fremede land...

 

Det er alltid vedmodig å seie farvel til så flotte folk som ein finn på Rauland. Det er heller aldri lett å snu ryggjen til ein så vakker og herleg stad som Rauland og instituttet er. Derfor kan ein ikkje forlata Rauland utan eit riktig kalas!

Tysdag kveld heldt me farvel-fest på Bitustøyl der me hadde invitert andreklassingane som me var saman med i Farsund. Det vart servert både vått og tørt, og alle vart mette og gode. Og sidan Simen hadde teke med seg film, vart det framvising av kultklassikaren "Halvveis til Haugesund".

Midt på svartaste natta køyrde me Ine til nattbussen i Åmot, der det vart eit vedmodig farvel med klemming og lukkeynskjer. Ine er no komen seg trygt til Helsinki, og har det berre bra etter forholda å melda.

Onsdag vart den fyrste konserten denne hausten servert av Folkemusikkscena på Rauland. To skotske jenter, Anna Massie og Mairearad Green, spelte tradisjonsslåttar frå Skottland på gitar, trekkspel, banjo og sekkepipe. Ein flott konsert med flinke musikarar!

Ein folkehøgskule frå Gvarv var òg på besøk denne kvelden. Det vart reine Vinterfestivalen-stemning på akademiet. Dansen glymde i halli, så me dansa då i ring. Folkehøgskuleelevane fekk me òg med oss i ein svingom og to. Festen eskalerte på studentheimen og alle storkosa seg. Dessverre er det no ein gong sånn at me alle må bita i det sure eplet og kasta inn årane ein eller annan gong. Men for ei herleg avslutting på dette korte opphaldet på Rauland!

Men eg får seie som Schwarzeneggeren: I'll be back!

Shaun med ny frisyre. (Foto: Johanna Mjeldheim)

Ingen kommentarar

Skriv ein ny kommentar

Irene Bjørke

Irene Bjørke

21, Kvinnherad

Går siste år på bachelorstudiet i folkemusikk på HiT, Rauland. Likar skogar i tur og mark.

Kategoriar

Arkiv

hits